富華冰室 (已結業)

同事介紹呢間茶餐廳既燒味四寶飯又抵又好食，正過太興，一於試一試，所以12.30 就黎到，唔使等位，入到裡面都差不多座無虛席，要食真係趁早呢！午餐有燒鵝四寶，$58 仲可以揀米粉或者飯，四寶仲要唔係紅腸，而係叉燒、油雞，份量仲好足，啖啖肉，唔會得丁丁咁少。質素都好好，燒鵝好香，油脂豐富，連皮食鵝香澎湃，滿口餘香。叉燒厚切，外帶蜜味，美中不足係偏咸，如果稍稍中和咸味會更好。油雞同咸蛋都正常，以呢個價錢食呢個質素真係直得推薦。