香江花月 (利舞臺廣場) (已結業)

之前有返過大陸打邊爐食呼拉圈牛肉火鍋，估唔到原來香港依家都有！前幾日食完呢間喺銅鑼灣打邊爐，覺得性價比都幾高，幾好食，最主要係佢坐得舒服！美銀花膠雞鍋 ($298)我哋揀咗花膠雞湯做湯底，有成隻雞喺入邊，雞湯嘅味道好濃郁，真心幾好飲！飲落覺得充滿骨膠原咁！特選牛圈 ($288)呢個真係幾抵食，超級大份好啱打卡！牛嘅質素都唔錯，七色丸 ($108)七粒唔同口味嘅墨魚丸，食落去好新鮮彈牙。個人比較喜歡鹹蛋黃，蟹籽！黃金鬼五馬六 ($88)每舊油炸鬼都釀咗蝦滑或者墨魚滑，鹹蛋黃味好重，係好食嘅，但係偏油，冇乜擺盤所以個賣相麻麻。桃花緣 ($88)成杯嘢飲最特別就係佢嗰個煙球，味道唔錯，飲落去似桃味乳酸飲品流星夜 ($88)呢杯嘅味道比較清淡，不過顏色嘅配搭真係幾靚！用嚟打卡真係一流！Overall嚟講餐廳都唔錯，環境真係舒適，食物quality不錯，個人真係幾適合女仔過嚟打邊爐。位同位坐得比較遠，私隱度都算唔錯。