Tivoli 意大利餐廳

營業中

休息中

Tivoli位於佐敦柯士甸道，係一間好有歷史嘅意大利餐廳。環境好浪漫好有特色，好啱同另一半嚟食燭光晚餐。今次我同老公一人嗌咗一份燒牛柳晚餐（$168），已經包埋是日餐湯同埋餐飲。埋單見到個餐$118，原來7點半前埋單有特價🙀。估唔到牛柳個面燒得香，而且咁腍咁多肉汁。份量多得誇張，啱晒食肉獸。醬汁嘅味道好豐富好開胃。本身仲諗緊應該揀意粉定薯菜，最尾叫咗薯菜發現好有驚喜。佢哋嘅薯蓉甜甜地，仲有啲火腿，味道好香。焗蕃茄好多汁而且味道好解膩。