牛極 (大河道) (已結業)

🎵一個人原來都可以盡興🎶🎶🎶一個人食牛極都可以滿足🎵🎶鐵板牛扒食唔少，通常都係肉眼或者西冷，原舊牛柳放係鐵板上都係第一次。🍖🍖入門口好似喺日本食拉麵咁自己買飛，交咗張飛比店員之後就可以去自助沙律吧度搵食，有沙律有湯有飯，任君選擇，亦有唔同嘅醬料俾大家揀。一兩分鐘之後，一成熟嘅牛柳就送到上嚟啦。jarjar聲既鐵板牛柳上鋪左一張紙巾，防啲油彈到周圍都係👍🏻成舊牛柳就咁放係快鐵板上面梗係唔會熟，所以我將佢切開咗一半。先將一切成粒，整熟咗，先品嘗。雖然冇乜油花，但極重牛味🐮，口感唔會好硬。淨低個另一半，依家先好切。因為太早切會令到佢會太早煎熟，會變左十成熟。❌❌❌