影片
更多
2019-02-12
163 瀏覽
不嬲舊時都好鐘意去和民食晚飯，不過自從離開左舊公司就少左機會來，今日來到荔枝角搵住喺呢頭嘅朋友，喺宇晴軒商場就決定食和民！呢間分店都幾大，位置多，好企理，大部份卡位、梳化位，幾舒服嘅。店員招呼利落，加上係平日，好快就已經有位。佢地都幾好生意，我諗好多客係住附近。朋友都話冇咩好去處，佢就會來和民。menu選擇夠多，但絕大部份人都會點佢地嘅鍋物，真係幾抵食嘅，除左有一人前，仲有個新嘅鍋物，適合多人share。好似我地點呢個特大牛肉壽喜燒鍋，3-4人食足夠有餘。牛肉鍋價錢係198蚊，上枱已經見到好虛冚，成大份牛肉，好多片，放得好整齊。除左牛肉，墊底仲有大量蔬菜，包括娃娃菜、菇、豆腐、蘿蔔、大蔥等。仲有一隻蛋，打隻生蛋令牛肉食落更加滑嫩。牛肉真係好似食極都仲有，為左唔好咁快老，我地冇加好多湯，食嘅時候先浸落去。牛肉幾有咬口，呢個價錢都收貨嘅。佢地嘅壽喜燒湯底唔算好鹹，有少少甜甜地，令D菜好入味！另外驚唔夠食或者想豐富D嘅朋友，可以優惠價追加D配料，例如牛肉、海鮮、豚肉、野菜等，仲有麵，我地點左拉麵，拉麵爽身，淥一淥就食得，你都咪話唔飽，捧住個肚走因為個鍋比較大，店員好細心，俾埋湯底我地，可以有
menu選擇夠多，但絕大部份人都會點佢地嘅鍋物，真係幾抵食嘅，除左有一人前，仲有個新嘅鍋物，適合多人share。
好似我地點呢個特大牛肉壽喜燒鍋，3-4人食足夠有餘。牛肉鍋價錢係198蚊，上枱已經見到好虛冚，成大份牛肉，好多片，放得好整齊。
除左牛肉，墊底仲有大量蔬菜，包括娃娃菜、菇、豆腐、蘿蔔、大蔥等。
仲有一隻蛋，打隻生蛋令牛肉食落更加滑嫩。
牛肉真係好似食極都仲有，為左唔好咁快老，我地冇加好多湯，食嘅時候先浸落去。牛肉幾有咬口，呢個價錢都收貨嘅。佢地嘅壽喜燒湯底唔算好鹹，有少少甜甜地，令D菜好入味！
另外驚唔夠食或者想豐富D嘅朋友，可以優惠價追加D配料，例如牛肉、海鮮、豚肉、野菜等，仲有麵，我地點左拉麵，拉麵爽身，淥一淥就食得，你都咪話唔飽，捧住個肚走
因為個鍋比較大，店員好細心，俾埋湯底我地，可以有需要時自行添加。
壽司卷盛一份有三款，牛肉、芒果同三文魚，卷物嘅飯粒比較鬆散，唔算好突出。
牛油帆立貝58蚊份，煎到幾香，貝身軟腍，唔錯
張貼
