愛上米線 (香港仔中心) (已結業)

今日放假同屋企人行街食飯，呢間「愛上米線」餐牌好多元化，有湯米線，伴米線，伴飯，特色小食，特飲，仲有啤酒飲～仲可以自選米線配料同湯底，仲有套餐可以選擇～<初嫩First Love > 春韮醬爆極鮮豬潤飯 上碟已經聞到好香，豬潤切粒同韭菜爆炒到好香，豬潤口感好爽口，整體又唔會好油膩，撈飯食好惹味功夫魚腐有機蕃茄湯米線 魚腐質感彈牙，魚味香濃～ 蕃茄湯濃郁，米線非常軟滑，分量充足～ 配菜豐富，有腐皮，雲耳等～香噴噴奶黃金沙脆雞翼（3隻）雞翼大大隻，炸得好香脆，裏面肉質保持細嫩juicy~ 鹹蛋黃醬甘香濃郁又唔會太油膩或者太鹹，超邪惡但推薦手工話梅小蕃茄 小蕃茄剝哂皮，吸收左酸酸甜甜嘅話梅汁好開胃，清新解膩～熱檸檬柚子蜜 味道酸酸甜甜，好暖胃嘅滋潤熱飲～芒果乳酪梳打 梳打好夠氣，裏面有好多芒果爆珠粒粒，又酸又開胃，夠晒清新～整體來講，食物選擇豐富有特色，性價比高～ 職員服務態度積極主動，會主動介紹餐牌同王牌推介～