龍記甜品

營業中

休息中

呢間係觀塘新開張嘅甜品店，一睇餐牌，大部份都係中式傳統糖水，價錢超抵，一碗都係$26/$27蚊，唯獨係楊枝金露$38.今晚試左楊枝金露，唔太甜，份量超大碗，芒果肉仲要大大粒。。。值得一試。另外，朋友叫左碗凍紅豆沙，好香陳皮味，紅豆起沙，但仲有好多原粒嘅紅豆，好有口感。仲有好多嘅蓮子。非常足料，呢一碗紅豆沙都只係$25,抵到爆。自己煲都未必得。以今時今日，去邊到搵到一碗$20幾蚊嘅中式糖水，物超所值！聽到隔離枱講啲芝麻糊好香，話炒得爭夠火喉，唔太甜我仲見到佢地加左湯丸，下次真係要試下呢個芝麻糊😁