影片
更多
2021-09-20
43 瀏覽
今次我哋嚟咗呢間度食雞煲打邊爐，佢總共有三個選擇，有海鮮餐，有牛魔王同埋小龍蝦🦞佢雞煲同埋打邊爐個湯底係另外再叫嘅，首先我講吓個雞煲先，一打開個蓋，就聞到好惹味嘅味道，食落去肉質鬆軟唔「鞋」口，我哋叫左小辣，唔算太辣可以接受，最緊要就係個雞煲可以再添食。好喇食完個雞煲喇，總共有六個湯底你選擇，最終我地嗌咗個新鮮蟹鍋花甲湯底入邊有蟹、有花甲，我就咁飲落去好鮮甜嘅感覺。我哋四個人去送左個海鮮盤係個套餐包嘅，佢隻蝦真係超大隻！仲有鮑魚、聖子、生蠔、脆骨腩片！之後我哋再揀下火鍋配料，總共有40幾款你選擇，咁多款選擇實有你啱食嘅，絕對唔係揸流攤！我哋個套餐仲有啲牛頸脊，肥膏濃郁好均勻，肉質鬆化而有咬口。講返隻蝦先，真係好大隻，成隻手指公咁大隻，佢仲要係好新鮮好彈牙好好食，一般出邊嘅真係食唔到呢個質素出邊仲有啲少少熟食，有魚蛋啊豬皮啊豬紅啊，同埋鳳爪。之後我哋點左啲火鍋配料，脆骨腩啊同埋龍躉肉，竟然有龍躉肉啊，個肉質真係好鮮甜同埋好新鮮，肉類仲有豚肉，仲有小籠包，個小籠包係調落去打邊爐煮熟嚟食，食落去好特別，好鮮甜因為個湯底有海鮮。總括嚟講呢間海鮮雞煲火鍋邊爐，我覺得可以encore因為佢係主打海
今次我哋嚟咗呢間度食雞煲打邊爐，佢總共有三個選擇，有海鮮餐，有牛魔王同埋小龍蝦🦞
佢雞煲同埋打邊爐個湯底係另外再叫嘅，首先我講吓個雞煲先，一打開個蓋，就聞到好惹味嘅味道，食落去肉質鬆軟唔「鞋」口，我哋叫左小辣，唔算太辣可以接受，最緊要就係個雞煲可以再添食。好喇食完個雞煲喇，總共有六個湯底你選擇，最終我地嗌咗個新鮮蟹鍋花甲湯底
入邊有蟹、有花甲，我就咁飲落去好鮮甜嘅感覺。
我哋四個人去送左個海鮮盤係個套餐包嘅，佢隻蝦真係超大隻！仲有鮑魚、聖子、生蠔、脆骨腩片！
之後我哋再揀下火鍋配料，總共有40幾款你選擇，咁多款選擇實有你啱食嘅，絕對唔係揸流攤！
我哋個套餐仲有啲牛頸脊，肥膏濃郁好均勻，肉質鬆化而有咬口。
講返隻蝦先，真係好大隻，成隻手指公咁大隻，佢仲要係好新鮮好彈牙好好食，一般出邊嘅真係食唔到呢個質素
出邊仲有啲少少熟食，有魚蛋啊豬皮啊豬紅啊，同埋鳳爪。
之後我哋點左啲火鍋配料，脆骨腩啊同埋龍躉肉，竟然有龍躉肉啊，個肉質真係好鮮甜同埋好新鮮，肉類仲有豚肉，仲有小籠包，個小籠包係調落去打邊爐煮熟嚟食，食落去好特別，好鮮甜因為個湯底有海鮮。總括嚟講呢間海鮮雞煲火鍋邊爐，我覺得可以encore因為佢係主打海鮮，佢哋嘅海鮮真係好新鮮，好鮮甜！
張貼
