蠔灘 (已結業)

和太太送隻狗🐶仔係香港仔中心做美容，之前見到法國生蠔🦪$10推介，所以book咗過來食午餐。12點來到，我哋係第一枱客。餐廳座位闊落舒適，播放著英文歌，有一種休閒的氣氛。先order了一打$10生蠔🦪，清潔得好好，沒有絲毫𧐢殻，雖然比較細隻，但係好重海水味及新鮮爽口，十分抵食。跟餐的羅宋湯，酸酸甜甜，有啲牛肉粒及脂肪，真材實料，幾開胃。龍蝦汁意大利飯$128 ：飯粒軟硬適中，有數粒帶子，兩隻青口壹隻大虎蝦🦐。蒜香BBQ豬肋骨配薯角$108 ：薯角熱辣辣，豬肋骨如焗耐些便更好，仍有少少痴骨，而醬汁惹味偏酸。連埋兩杯飲品，埋單$392，性價比高，有機會會再嚟。