影片
更多
2011-09-13
168 瀏覽
話說阻住細佬有張HK$50現金券,於是就CALL齊人馬,入屯門稻香,品嚐下呢個十分之抵的御香百花皇席宴,星期一至四,HK$788半席,除開一個人才$130,真的抵到不得了..望望菜單,很豐富呢...御品燒味併盤-竟然,竟然,竟然....個叉燒好好味噃~~好耐都無食過好味的叉燒..你知啦,好味的叉燒,同好男人一樣,真的可遇不可求架..其他燒味都算可以,真係好難得.-翠玉瓜鮮魷象拔蚝,鮮魷同蚝都幾新鮮,爽身.GOOD!百花炸蟹球-個面滿拪一粒粒的杏仁,鍾意食覺得佢好香脆,容易熱氣的公關就覺得好熱氣苦心婆心的公關,就同老爺講:你咁易熱氣,咬左個d杏仁走啦~老爺:嗯嗯...最後?老爺當然係食到一粒杏仁都無剩啦~~唉~再一次證明老人家=小朋友多寶魚-好新鮮,好滑,當然咁既價錢,你唔好諗住係海魚啦!醬王竹影燴魚翅-十分難飲的羮,與生粉開水加竹苼無誤,無味無道,為全晚最差的一味.南瓜餅-好香南瓜味,有咸蛋黃同雞肉,個面煎到香香地,大家都覺得呢味餸好新奇,但好飽肚~花菇扣遼參-冬菇都唔細隻,又入味,遼參細左少少,但都可以啦....荷葉飯,用雞湯燴得好入味,比起好多高級酒樓一點都不失禮喎~仲要黎個菠蘿脆
話說阻住細佬有張HK$50現金券,於是就CALL齊人馬,入屯門稻香,品嚐下呢個十分之抵的御香百花皇席宴,星期一至四,HK$788半席,除開一個人才$130,真的抵到不得了..望望菜單,很豐富呢...
御品燒味併盤-竟然,竟然,竟然....個叉燒好好味噃~~好耐都無食過好味的叉燒..你知啦,好味的叉燒,同好男人一樣,真的可遇不可求架..
其他燒味都算可以,真係好難得.
-翠玉瓜鮮魷象拔蚝,鮮魷同蚝都幾新鮮,爽身.GOOD!
百花炸蟹球-個面滿拪一粒粒的杏仁,鍾意食覺得佢好香脆,容易熱氣的公關就覺得好熱氣苦心婆心的公關,就同老爺講:你咁易熱氣,咬左個d杏仁走啦~
老爺:嗯嗯...
最後?老爺當然係食到一粒杏仁都無剩啦~~唉~
再一次證明老人家=小朋友
多寶魚-好新鮮,好滑,當然咁既價錢,你唔好諗住係海魚啦!醬王竹影燴魚翅-十分難飲的羮,與生粉開水加竹苼無誤,無味無道,為全晚最差的一味.
南瓜餅-好香南瓜味,有咸蛋黃同雞肉,個面煎到香香地,大家都覺得呢味餸好新奇,但好飽肚~
花菇扣遼參-冬菇都唔細隻,又入味,遼參細左少少,但都可以啦....
荷葉飯,用雞湯燴得好入味,比起好多高級酒樓一點都不失禮喎~
仲要黎個菠蘿脆子雞(正宗靠痴?),竟然個皮脆卜卜,唔油,真係算好唔錯,不過真係飽到喊..玉盤艷素-冬瓜加菇,個瓜好稔身,好入味,正..
仲有水果盤..
呢個餐太多野食啦,繼我話7個人份量比較合理,如果大家餐餐咁食法,好快變肥仔肥妹呀~~
張貼
