The Sky Bar (已結業)

見到有288咁抵當然想去試啦，點知訂位原來11/5係第一日喎，今日大約8點鐘到達，位置沒想到都幾舒服，有大電視但沒有較聽所以傾計都吾錯。而燈光都不錯舒服，今次當然我地2個人都試288的生蠔一打晚餐啦。但最後食左2個鐘，食品質素抵食但待應不足關係都幾難叫到待應倒水和結帳。生蠔黎到原來今日係美國蠔，睇都已經十分討好但吾叫好大隻，但食落蠔味都重而有海水味已經覺得不錯。白酒2杯…本人因為慣左飲甜白酒，今次偏濃而乾身，飲左一半就沒有飲了。湯係紅湯，偏酸而份量不太多，而面包細細粒又沒有牛油有點失望。牛扒本來叫肉眼扒但因賣晒所以最後食西冷扒，今次叫左7成熟，扒身夠厚面有少少燶但切左中間都紅紅地，食落去牛肉味重而香，薯仔蓉有少少粒粒薯仔加牛油味都不錯。食落其實都好飽肚。白汁蟹肉意粉，黎到原來意粉係粗身意粉，食落都有口感，但白汁偏杰身而令到一凍之後就好杰身吾好食，但幸好熱的時候食都好香口同蟹肉都正常份量。豆腐芝士餅…沒想到咁好味道，豆腐味夠濃而仲保持到芝士味，而餅底吾太硬身牛油味香，如果吾係之前食太飽一定可以食晒佢，因為佢份量都吾少。