海南少爺 (已結業)

12月有朋友生日嚟左呢度食生日飯，朋友話之前食過覺得幾好味，我們坐下即刻叫左每人一碗肉骨茶，大家都叫馬來西亞肉骨茶，仕应說是重藥材味多d，新加坡肉骨茶重胡椒味多d，另外有個六人餐，仕应推介給我們的，套餐有一隻海南雞，咖喱牛腩配薄餅，炸蝦丸配咖吔醬，紅燒東坡肉， 星州蘿蔔糕，炸油條蝦膠，豆腐煲.海南雞好滑,味道OK,唔會好肥的,加埋D醬一齊食,好香,有三款醬,豉油,薑的,同埋一隻唔知係咪沙嗲醬,我只係食薑溶的,所以唔知其它兩種係咩味. 炸蝦丸熱辣辣好好味,好彈牙,我地再叫多一碟食,因一碟有六粒,我地有七個人,唔夠分同埋真的好味,星州炒蘿蔔糕,我覺得一般,冇咩味,唔夠入味,雖然佢既顏色好深. 豆腐煲好大件豆腐的,豆腐入面好綿,好味喎,有些冬菇都好鮮甜呀!紅燒東坡肉都好大件的,好甜同埋都好香入味,不過唔可以食咁多,因好肥好漏呀,但個汁好香,咖喱牛腩都係好香,用嚟配薄餅或飯係一流.仕應服務都幾好,好快上菜及收碟,抵讚呀.