銀咖哩

營業中

休息中

太遲先起身，出到黎已經係下午茶時間，只係想有野食，快d填飽個肚。我叫左份吉列豬扒配腸仔薯角汽水，另外再加左碗細嘅咖哩飯。落單冇耐，好快就有得食。薯角炸過龍，偏硬，份量亦比較少。但係塊炸豬扒夠曬大份，冇因為係下午茶就比細份左。豬扒炸得幾好，熱熱地，外層脆，裡面吾會太乾。咖哩汁都比好多，撈暈d飯一齊食就最好食，可以令每一粒飯都充滿咖哩嘅香味。其實成個餐份量吾細，咁樣食曬都好飽，而且仲平d，抵食過午餐同晚餐。