牛扒先生 (康怡廣場) (已結業)

今日終於約到朋友一齊來試下呢到既自助沙律吧。我地喺午餐時段來食，主菜有飯、意粉同扒等等選擇。🧡美國安格斯牛扒無諗過主菜牛扒會咁大塊，而且賣相都幾靚，表面煎到微微焦香好吸引，相信女仔食既話食完成塊都已經飽哂。牛肉脂肪比例唔多亦都少筋腱位，所以食落真喺啖啖肉好滿足。🧡海蝦蕃茄意大利飯成個飯的蕃茄味都好濃郁，每粒飯粒都被蕃茄汁包圍的感覺，口感濕潤又開胃。海蝦食落雖然無咩鮮味，但好在肉質彈牙無發霉，而且都幾大隻。🧡自助沙律吧約有十多款唔同口味的沙律和甜品任君選擇，當中亦都有幾種冷盤火腿可以揀。整體來說，食物味道同質素都對得起價錢，加上refill的速度都算幾快，出去攞過幾次食物都好少遇到有空盤的情況出現，所以當日假日都吸引左唔少家庭一家大細去食，需要等位。