好好上海小館 (已結業)

今晚在尖沙咀佐敦交界附近食飯，經過見到呢度有少許人等位，話曾經係米芝蓮店，見吾係咁多人就等一陣，都好快有位……在等位時已在門外睇定餐牌食乜，有個套餐68元都幾抵食，兩個人叫咗兩個share……1. 小排骨菜飯+雞絲皮+酸辣湯2. 上海粗炒+小排骨、雪菜毛豆+靚羹（即係粟米肉絲）呢度沒有裝潢裝修，可能有啲係冷盤，所以好快可以上枱，湯、羹也是煲定一大煲，有點似快餐店feel……~小排骨好入味，但我覺得鹹咗啲及硬咗啲~個粟米肉絲夠熱好味~酸辣湯，飲過吾同舖的味道都吾一樣，都吾 知邊度先係正宗~上海粗炒吾錯~雞絲粉皮也好味~雪菜毛豆都ok~但菜飯好似差了少少，腍咗啲呢度啲服務幾好，店員都幾熱情招待客人，我地坐圓枱，一般會迫五六個人，最少都四人，但佢地比我地二人坐一張圓枱，仲比多兩張櫈我地擺袋，話吾駛孭住個袋食得咁辛苦比個like佢……因為對住門口，見啲客人都絡繹不絕……店員收完錢都會同每個客人講：下次再嚟……