四川樓菜館 (已結業)

是日經過尖沙咀，第一次發現居然有間四川菜館，睇價錢牌，二人套餐98(不包加一服務費)可選兩個小菜，價錢不算貴，試試也無妨。進門後，發現成間菜館都幾大，是日用餐人不多，環境都幾清靜。睇菜牌，一般小菜大致都是3X~5X的價錢，相對尖沙咀這個地段來說，價錢又真係平。是日選了二人套餐，共叫了：- 酸辣湯：極其開味，而且整個湯的配料十足，芡汁剛剛好，超級推薦！- 魚香肉絲：賣相不錯，雖然並不是地道的魚香味，但餸飯一流，可以一試。- 麻婆豆腐：只是面上有一層胡椒粉，整體味道偏淡，不推薦。- 是日糖水(杏仁豆腐)：意外驚喜，居然是用杏仁粉做的，冰冰甜甜，值得一試。套餐還包括一個涼菜，兩個花卷，埋單計每人才60元，真係抵食！