影片
更多
2011-02-07
4 瀏覽
家樂坊地庫開左新的日式主題食店「家樂‧大食瀛」，趁新年就去同同事食個團年LUNCH！落到去見到裝修都好靚好日式，喺旺角黎講算係個幾舒服架食野地方。入面有6間食店，有拉麵，日式餃子，吉列，SHABUSHABU同YOGHURT。我地想食飯所以揀左豚組。坐低環境幾好，我地一行5人坐左卡位都仲好鬆動～裝修非常日式，牆上仲有好多豬仔／豚的畫，好得意！我叫左吉列蠔定食，同事叫左薄豬扒定食，白豚肉定食，WASABI芝士定食，厚豚肉石窩烏冬！ 賣相非常OK，以呢個價錢都幾抵！吉列蠔有成5隻，都係＄68。食落好鬆脆，完全唔覺厚粉！而且隻隻蠔都好大隻！唔似出面食嗰D！因為我好鍾意食吉列蠔，所以喺好多不同餐廳都點過呢個定食，我敢講豚組呢個品質同價錢都係好好～好好味呀！！我亦試左同事的WASABI芝士豚，一切開D芝士漏出嚟，證明芝士非常新鮮同熱，食落真係有WASABI味，比白豚肉冇咁厚，落口比較濕潤，怕乾同鍾意芝士架朋友唔好錯過！薄豚定食都幾好，有個碌比我地切開塊扒，好似食PIZZA咁。磨左的芝麻醬好香。WAITER教我地磨完加秘製醬一齊食。D椰菜都好甜好新鮮，都又兩種醬可以加，一隻係WASABI味，一隻係柚
家樂坊地庫開左新的日式主題食店「家樂‧大食瀛」，趁新年就去同同事食個團年LUNCH！
落到去見到裝修都好靚好日式，喺旺角黎講算係個幾舒服架食野地方。
入面有6間食店，有拉麵，日式餃子，吉列，SHABUSHABU同YOGHURT。我地想食飯所以揀左豚組。
坐低環境幾好，我地一行5人坐左卡位都仲好鬆動～裝修非常日式，牆上仲有好多豬仔／豚的畫，好得意！
我叫左吉列蠔定食，同事叫左薄豬扒定食，白豚肉定食，WASABI芝士定食，厚豚肉石窩烏冬！
賣相非常OK，以呢個價錢都幾抵！吉列蠔有成5隻，都係＄68。食落好鬆脆，完全唔覺厚粉！而且隻隻蠔都好大隻！唔似出面食嗰D！
因為我好鍾意食吉列蠔，所以喺好多不同餐廳都點過呢個定食，我敢講豚組呢個品質同價錢都係好好～
好好味呀！！
我亦試左同事的WASABI芝士豚，一切開D芝士漏出嚟，證明芝士非常新鮮同熱，食落真係有WASABI味，比白豚肉冇咁厚，落口比較濕潤，怕乾同鍾意芝士架朋友唔好錯過！
薄豚定食都幾好，有個碌比我地切開塊扒，好似食PIZZA咁。磨左的芝麻醬好香。WAITER教我地磨完加秘製醬一齊食。D椰菜都好甜好新鮮，都又兩種醬可以加，一隻係WASABI味，
一隻係柚子味。其實我覺得唔加清清地都好食吖。
至於石窩烏冬我就無試。不過同事話都好食，等我下次試下！
埋單每人＄80有找，以正宗吉列店嚟講我覺得幾抵。
而且喺旺角有咁架環境一班人坐得舒舒服服，好過入女人街食同人逼啦。
唯一係如果飯同椰菜有得添加會更好。
其實呢兩樣野值幾錢，都唔食得你好多，有得添加攞埋印象分咪大家開心～
張貼
