雲貴棧

營業中

休息中

一早起身個肚已經肚餓到咕咕聲，嗱嗱臨同屋企人起身出街去食早餐，行出去屋企附近見到有間叫雲貴棧的餐廳，於是便立刻走入去坐低！坐低見到餐牌都算多選擇，而且價錢亦好便宜，於是我地好快就叫左2個早餐一齊分享落左order 不到三分鐘，侍應好快就放低左一碗义燒通粉同咸牛肉奄列連條腸仔比我地食……D义燒都算好食，但通粉同湯底就真是好一般，冇乜味比較淡口！跟住食埋個牛肉奄列都算好食，好野味好香蛋味！條腸仔亦都煎得好香口，唔錯！杯凍檸茶亦都好好飲，酸酸甜甜，正！'至於呢個菠蘿包配火腿腸仔炸春卷都好好食……菠蘿包新鮮熱辣，火腿腸仔咸咸地好惹味，炸春卷炸到卜卜脆非常好食，最後飲埋杯冰凍菜蜜簡直涼透心，好滿足！