影片
更多
2018-11-29
48 瀏覽
今日同朋友去上水行街，唔知食乜好，見到呢間歐意餐廳都幾多人食，所以就決定試下。呢到係拎飛等叫號碼既，要等六張飛先到我地，但叫個速度都幾快，唔洗十分鐘就叫到我地。呢到既野食選擇非常之多，由焗飯、意粉、薄餅、鐵板餐到蛋包飯、喇沙都有，真係睇到眼花撩亂，午餐時間都有六七塊餐牌，啱晒一大班朋友唔知食乜好既時候黎食，因為緊有一款啱你。而我地今次叫左個白汁芝士龍蝦拼羊架，可以揀飯、意粉或者薯菜，我地要左飯，個餐重有蒜蓉包、餐湯同野飲，要左南瓜湯同加$10轉左紅豆冰，再叫左吉列魚柳蛋包飯，追加左個迷你拼盤，餐飲要熱華田。吉列魚柳蛋包飯：可以揀茄汁或者咖哩，我地要左茄汁。魚柳炸得好，脆身唔厚粉又唔油膩，同埋都幾大塊。蛋包飯個蛋皮唔會太生或者太老，雖然蛋味唔算特別重，但夾埋啲沙律醬同茄汁都幾好食。白汁芝士龍蝦拼羊架： 午餐食龍蝦同羊扒真係第一次，擺盤幾靚，上菜既時候其他枱都望晒過黎。龍蝦有膏，肉質爽口，重有個大鉗，都算多肉，個汁同龍蝦好夾。羊肉可以揀汁，我地要左黑椒汁。羊味幾濃，都算幾生，大概三至五成熟之間，但我地都鍾意食生啲，所以幾鍾意呢個熟度，如果怕生既朋友可以落單既時候要同佢講煎熟少少。呢個價錢又
今日同朋友去上水行街，唔知食乜好，見到呢間歐意餐廳都幾多人食，所以就決定試下。呢到係拎飛等叫號碼既，要等六張飛先到我地，但叫個速度都幾快，唔洗十分鐘就叫到我地。
呢到既野食選擇非常之多，由焗飯、意粉、薄餅、鐵板餐到蛋包飯、喇沙都有，真係睇到眼花撩亂，午餐時間都有六七塊餐牌，啱晒一大班朋友唔知食乜好既時候黎食，因為緊有一款啱你。而我地今次叫左個白汁芝士龍蝦拼羊架，可以揀飯、意粉或者薯菜，我地要左飯，個餐重有蒜蓉包、餐湯同野飲，要左南瓜湯同加$10轉左紅豆冰，再叫左吉列魚柳蛋包飯，追加左個迷你拼盤，餐飲要熱華田。
吉列魚柳蛋包飯：可以揀茄汁或者咖哩，我地要左茄汁。魚柳炸得好，脆身唔厚粉又唔油膩，同埋都幾大塊。蛋包飯個蛋皮唔會太生或者太老，雖然蛋味唔算特別重，但夾埋啲沙律醬同茄汁都幾好食。
白汁芝士龍蝦拼羊架： 午餐食龍蝦同羊扒真係第一次，擺盤幾靚，上菜既時候其他枱都望晒過黎。龍蝦有膏，肉質爽口，重有個大鉗，都算多肉，個汁同龍蝦好夾。羊肉可以揀汁，我地要左黑椒汁。
羊味幾濃，都算幾生，大概三至五成熟之間，但我地都鍾意食生啲，所以幾鍾意呢個熟度，如果怕生既朋友可以落單既時候要同佢講煎熟少少。
呢個價錢又有羊架又有龍蝦，而且好大份，重要有湯有包有野飲，其實都幾抵，同埋咁多野一個人應該食唔晒，可以叫一份share食再叫下其他野。我地嗰日兩個人食完呢個都飽左一半。迷你拼盤：有洋蔥圈、麥樂雞同埋炸薯皇。炸薯皇外脆內軟，唔會好咸，點茄汁食好好食。
麥樂雞同平時麥記食嗰種唔同，佢係重保留雞肉既質感，食落唔係完全係雞蓉，我覺得呢種有啲肉感既重好食過純雞蓉嗰種。洋蔥圈入面既洋蔥幾甜，但個皮硬左少少。
南瓜湯：比較似平時既白湯多左南瓜味，同埋加左粟米，唔算好驚艷，但唔差。本身想加錢轉佢個酥皮海皇湯，點知原來晚市先有酥皮湯，下次再黎希望試下佢個酥皮湯啦。
紅豆冰：紅豆煮得淋，唔會太甜，同埋都幾大杯整體都唔錯，如果紅豆再多少少就更好啦。
蒜蓉包：蒜蓉味幾香，唔會太硬，脆脆地，都唔錯。
整體而言食物質素幾好，份量大份，選擇多，性價比高，值得推薦！
張貼
