宮崎日式燒肉店 (已結業)

兄弟生日話唔想整日打邊爐，想試下食燒肉，好才有老婆幫手搵餐廳，又要就返兄弟公司，最後去左旺角的<宮崎日式燒肉店>。入到去已經好多人，環境都幾舒服，我地佳卡位，呢度係食放題燒肉，見到點餐紙有好多唔同的野食。憤怒火牛仔、仙境純情豚，同埋青島膏蟹係送的，仲有煙出，幾有新意下。青島膏蟹蟹肉新鮮肥美，蟹蓋蟹膏滿滿的。豚肉同牛肉薄身，容易燒，我比較鐘意牛肉，因為牛肉香濃，豚肉有d油脂我就一般，老婆同兄弟就好鐘意。其他肉都好正，好似牛舌、牛仔骨、牛小排、一口牛、特級牛胸腹等，牛味濃郁，肉積幼嫩，其他仲有羊架等。海鮮方面都好新鮮，帶子肥美、青口爽口，d蝦大大隻肉質彈牙。仲有好多熟食，如壽司、炸物、酒煮蜆、麵食等等，以及多款飲品，價錢又唔算貴，幾抵食。