抹茶館 (已結業)

今次黎呢到冇叫到主食，淨係食左甜品。因為黎之前已經飽飽到，本身諗住食淨係雪糕，但睇左menu之後覺得呢個好吸引好抵食，所以飽到照叫左個蛋糕。鮮果蛋糕（$72）黎到之後見到個蛋糕都唔細，一個蛋糕大約3-4人份量（雖然大食嘅我同我男朋友最後都食得晒哈哈）。出面係cream同生果，果醬同兩球雪糕，一球抹茶，一球雲尼拿。入面係抹茶蛋糕，岩晒我呢啲中意食抹茶嘅人。蛋糕都好軟綿綿，其他都冇咩特別，不過勝在抵食。如果有人生日又唔想額外買蛋糕嘅話，呢個都係一個唔錯的選擇。