Rambler Cafe (已結業)

知道屋企附近酒店有好平嘅自助餐食，每位都係$168加一，打步口過去問冇刺身，但有焗蠔，煙三文，平平地又唔知食咩就去試下啦。6點幾去到冇咩人，安排嘅位置對住食物都幾好，環境都唔會好擠迫，可惜去到7點幾8點就多左好多喺酒店住嘅內地人…本來冇乜野，但媽媽話去拎菠蘿時冇夾，就有個疑似內地人用手一野就拎起D菠蘿…哇…好恐怖…講番餐廳本身，服務唔錯，收野都好快，FILL野初初都OK，但去到8點多某D食物清左就唔再FILL，燒烤BAR都係冇左人長駐，要叫個師傅先喺廚房出黎。食物方面，$168呢個價已經預左款唔多，所以都接受到，有幾款沙律、前菜，主菜麵、飯各一款，另有3，4款配菜，焗蠔個殼夠大，但舊肉就好細隻，海鮮方面有蝦(好味)，長腳蟹望落寺已經係霉的..所以冇食)，翡翠螺(味道唔錯…但SIZE好細隻-_-)。甜品有雪糕、”姐梨”糖、芝士蛋糕等，款唔多，味道都一般，個芝士蛋糕都幾好味。總括黎講，冇咩事唔會再去，但想平平地食多D款可以TRY下。