焰井 (已結業)

之前約左朋友去太子食飯，見尼間啱啱新開嘅石板燒肉幾吸引就試下啦。⠀⠀⠀⠀⠀⠀⠀⠀⠀我地點左牛脷同牛柳，我地兩個女仔淨係叫左細份，但其實都好夠食，因為佢跟餐仲有成碗飯，又有湯同前菜。⠀⠀⠀⠀⠀⠀⠀⠀⠀好值得讚嘅係佢唔似出面啲店咁用好多濃味醬油腌曬啲肉，反而淨係好單純咁有啲肉，自己可以按需要咁落鹽、黑胡椒，再加燒汁。所以食得出啲肉好新鮮，唔係啲陳年貨👍⠀⠀⠀⠀⠀⠀⠀⠀⠀個石板好熱，所以煎得好香口同可以keep 到啲肉好耐都好熱。侍應姐姐好好人，幫我燒得啱啱好，唔會燒到老曬。我覺得牛柳有肉味，同都幾有口感，唔會一味得個腍身或者鞋身。同佢唔會切到好大粒，所以好容易掌握生熟程度。至於牛脷，我覺得好好食，佢唔算好厚，同又冇筋。而食落就係微微嘅脆口，同爽身，配上燒汁就好好食。⠀⠀⠀⠀⠀⠀⠀⠀⠀我覺得一個人大概八十蚊嘅晚市就可以食石板上嘅燒牛就好抵食，希望遲啲六點後有得食飯可以再試啦🐮