牛極 (庇利金街) (已結業)

牛極位置方便，係佐敦站附近。餐廳裝修簡約，店入面有部自動販賣機，客人自助點餐 ，非常方便。另有個自助吧，有醬汁、湯、飯同沙律無限添食，店員仲好細心左圍巾。我同朋友各自叫咗個set，落左單無幾耐就上碟，上枱時先用牛油紙蓋住，以免啲油會彈出，頗為貼心。我叫左牛肩排，鐵板本身得一成熟咁樣上嚟，可以自己調較熟度，自己鐘意幾成熟自己話事。牛肩排份量都幾多，食落幾咬口，牛味相當濃郁。朋友叫左個牛柳，肉質嫩滑，肉汁豐富，入口酥軟咀嚼無阻力。