初見

營業中

休息中

老婆掛住日本，同佢黎荃灣平平地止下心癮。排隊都抵嘅，無加一百零蚊有石燒牛食喎！賣相好得，用香草包邊視覺效果超靚。牛肉肥瘦均勻，用附送嘅牛油喺石上面搽一層油，再放上幾塊吉列牛燒得香脆。點海鹽、燒汁醬都好味，拌飯同溏心蛋，滿足！安格斯牛肉鍋湯底濃而不咸，料足，有魚蛋片、豆腐、鮮菇、菜、蒟蒻等等。安格斯牛嘅質素不俗，烚兩烚佢保持軟嫩。入到舖真係另一片光景，好有feel，仲有部電視播住日本街頭閒逛嘅影片，有心營造氣氛。