為食魚海鮮火鍋專門店 (已結業)

做特價$298，龍蝦雜錦海鮮石鍋，又幾抵！石鍋內好多材料，，一陣就煲滾左可以食！龍蝦件件厚肉仲好彈牙，滾落實肉又唔散，新鮮龍蝦先會咁。而蝦好大隻，隻隻都爽彈，d肉絶對無梅，滾落都冇斷頭，滾左一倫都冇靱，仲保持到蝦的鮮味。尋寶咁，仲搵到d蜆，蜆好厚肉肥美，好鮮甜多汁，滾到離殼，更加入味。呢煲湯好鮮甜，聽說石鍋會令海鮮迫出鮮味，咁d湯米係d精華，未放其他材料先飲返補一補。現在買魚卜又貴又難，呢碟魚卜又大又新鮮，仲未穿漏氣，脹卜卜，一放湯滾左一陣，終於變軟，咬落煙靱，骨膠原入肚，美味滑流仲叫左竹笙，竹笙處理得好乾淨，又白淨，一放湯就吸收左龍蝦、蝦、蜆、魚的鮮味，仲食到竹笙的獨特味道，口味豐富見到成碟牛頸脊，直情想自己食曬。牛頸脊d肉比一般的肥牛滑，肥膏好似更平均，一片牛頸脊放湯就熟，咬落好淋好香牛味，薄切左更鮮嫩，不易靱，亦有鮮牛香係口齒中留香更想一讚是呢間加湯係加鮮魚湯，令湯底保持到濃味及鮮味，不會溝淡左，抵讚👍🏻👍🏻