更多
2015-10-10
942 瀏覽
有個朋友嚮佐敦附近做野,推介呢間米線好好味!趁今日早放工,專程黎試下! 鋪面都幾新淨! 一入鋪內就嗅到一陣好香既羊味,令我諗起d蒙古羊添😜呀!!呢度係雲南羊至岩🙊朋友要左大碗牛腩湯米,嘩嘩嘩!個碗超巨,米線超多囉,岩曬大食既佢呀!我試左件牛腩,嗯! 好腍呀!肥瘦適中,一d都唔韌呀! 鐘意食牛既佢激讚牛腩既肉質無得輸喎!而我就覺得佢個湯有d淡喇,不過勝在無咩油,好在+$1加左酸菜調味啫!同埋係細既豬骨湯豬𦟌米線,細碗既米線量都好足夠咁喔!米線好滑偏軟身岩曬我,豬𦟌都好腍,熱到皮同肉分開左,好味!跟米線+$6既奶茶,正正常常!口水雞少少麻辣味,雞肉好滑,好味!食左2大碗米線+1個小食+1杯飲品,每人都只係$53咋,食到個肚腩都突出黎喇!超抵食!下次我會再幫襯,試下主打羊先!
張貼