成都小巷米線雞煲

營業中

休息中

呢間街坊米線店朝早做點心，晏就做米線，夜晚做邊爐，3樣都食過，都係米線最出色。米線湯底夠味得黎又唔會太油，底下有啲辣肉、碎酸菜同芽菜，令個湯底味道豐富。啲餸都好抵食，豬軟骨、腩肉呢啲全部大大舊，面底都好大份，嗌一餸女仔都未必食得哂，唔似宜家啲連鎖店份量越黎越少，我咁多年黎食都係咁大份。夜晚會有好多伯伯黎飲啤酒食烤魚/雞煲，我試過雞煲，個醬幾惹味，而且百幾蚊有得任食菜呀腸仔果啲好抵食，係啲雞肉鞋少少。早餐點心就應該係出面攞貨正正常常。