愛上米線 (香港仔中心) (已結業)

愛上米線menu上寫住無味精，以天然海鹽調味，而且用日本珍珠米，食完之後，覺得幾岩口味，而且米線，飯仲係任加！變相大胃王或者餓底都可以痛快一番。紅燒排骨湯米線選擇了牛骨湯底，湯頭香又濃又夠熱！幾正又唔會太咸，排骨份量以足，粒粒都幾大粒，肥瘦度剛好！米線幾有質地，而且幾滑身，好鐘意呢個麵底，之後添加米線都大大碗，變相非常抵食。加$18跟餐，有小食飲品，豬耳微辣惹味，質地爽彈幾有骨膠源感覺。另外小食話梅小番茄幾有 feel. 酸酸甜甜好開胃，幾好食，幾推介。藤椒雞粒蔥油餅，餅底香脆唔油，而且幾香！雞粒幾有咬口，加埋辣椒幾惹味香口。芒果乳酸梳打，粒粒爆珠，唔會太甜，幾清新清涼。