野川拉麵の鮮鍋道場 (已結業)

老公牛一，但又要喺元朗接個女放學，唯有喺元朗食，諗起有間新開嘅粥底海鮮火鍋， 近近哋帶埋兩個女， 就嚟慶祝下。餐牌 - 大人可以食粥底海鮮火鍋，小朋友唔過120cm 平日就只需加58蚊就可以食出面自助餐區。先黎刺身拼盤， 有三文魚，甜蝦，油甘魚 ，八爪魚， 刺身質素唔錯，幾新鮮。海鮮拼盤有生蠔，鮑魚，蟹，帶子，大蝦，同埋蜆，包羅萬有。特別一讚嘅係蟹，鮮味十足，放落鍋度即刻散出濃濃既蟹味。 蟹肉入口鮮嫩彈牙，食得出係非常新鮮。再點6款， 西班牙黑豚肉，雪花肥牛，魚皮餃，手打豬肉丸，台灣豬肉腸和炸魚皮。 咁多款式，其實已經半飽。呢個時候，店員為我地準備埋主角- 粥。粥非常鮮甜，食落仲有蟹嘅味，加埋蛋花，蔥粒，菜脯粒 ，口感十足，係今晚既精華。出面自助區，有熟食，湯，甜品，飲品。小朋友食得好開心。