影片
更多
2023-03-03
72 瀏覽
今日想打下邊爐，但又唔想咁heavy，好掛住佢地個粥底火鍋，所以就即刻黎食下。一黎就梗係需要揀返個湯底先，佢地呢度可以比你揀粥水或豬骨湯，侍應就話粥水會清淡D，但就可以比較食到海鮮既原味，所以我地就揀左呢個。我地叫左龍蝦同埋肉蟹，仲揀左鮑魚、蝦、花甲、大尾魷同貴妃蚌。份量適中，食落都好新鮮，尤其係龍蝦。花甲冇沙，魷魚都好爽。個餐仲會包埋幾樣海鮮以外既打邊爐配料，其中一樣最出色既係鬼馬油炸鬼，配埋粥水底真係非常夾。另外，佢個自家制手打淮山雞軟骨丸都好驚喜，冇咩係出面見過，就咁食都幾有咬口，不過我自己就覺得最好味係留返D係最後食粥果陣一齊食。食得差唔多果陣，就可以叫店員幫手預備煮粥。等到咁上下既時候，店員就會行埋黎問你鍾意食稀粥定係杰粥，之後會拎埋飯同莞莤、菜甫等等既配料，直接倒入個鍋度煮粥。個粥本身已經充滿海鮮既精華，再加埋D粥既配料，味道真係好豐富。有呢個粥做收尾，真係好滿足❤️💕
一黎就梗係需要揀返個湯底先，佢地呢度可以比你揀粥水或豬骨湯，侍應就話粥水會清淡D，但就可以比較食到海鮮既原味，所以我地就揀左呢個。
我地叫左龍蝦同埋肉蟹，仲揀左鮑魚、蝦、花甲、大尾魷同貴妃蚌。份量適中，食落都好新鮮，尤其係龍蝦。花甲冇沙，魷魚都好爽。
個餐仲會包埋幾樣海鮮以外既打邊爐配料，其中一樣最出色既係鬼馬油炸鬼，配埋粥水底真係非常夾。
另外，佢個自家制手打淮山雞軟骨丸都好驚喜，冇咩係出面見過，就咁食都幾有咬口，不過我自己就覺得最好味係留返D係最後食粥果陣一齊食。
食得差唔多果陣，就可以叫店員幫手預備煮粥。
等到咁上下既時候，店員就會行埋黎問你鍾意食稀粥定係杰粥，之後會拎埋飯同莞莤、菜甫等等既配料，直接倒入個鍋度煮粥。
個粥本身已經充滿海鮮既精華，再加埋D粥既配料，味道真係好豐富。有呢個粥做收尾，真係好滿足❤️💕
張貼
