金牌小龍 (已結業)

睇戲前想食d嘢，見到呢間金牌小龍個餐牌幾引，菜式又多，所以就二話不說入去食。餐廳有別於一般傳統上海菜嘅餐廳，裝修簡約，走文青風。餐廳雖然主打上海菜，但原來仲有台灣菜，菜式之多，令人三心兩意，患左選擇困難症。最後揀左個台灣牛肉面，水晶蛋，手撕杏鮑菇，醬牛肉捲大餅，韭黃鍋貼，黎一個台灣crossover上海。台灣牛肉面既湯底好有牛味，真係好似去左台北咁，牛肉炆得好冧好入味，D面好Q好彈。水晶蛋好流心，唔同一般既流心蛋只有鹵水味，呢度既蛋仲會帶少少酒香，感覺更香。醬牛肉捲大餅係北方名菜，餅皮新鮮現整，所以熱辣辣，好鬆化，而醬牛肉配青瓜既味道都好夾。手撕杏鮑菇帶一點微辣，同椒鹽既做法好唔同，呢度係做成涼菜，比較開胃，無咁熱氣。韮黃鍋貼煎得好脆，韮黃好香，肉餡好juicy，非常好味。