影片
更多
2023-03-14
1026 瀏覽
2023年3月1日 星期三呢排感覺食得太多肉，想搵返間素食餐廳轉一轉口味，於是今晚就同老婆黎左黃埔既呢間餐廳食飯位置唔算太難搵，黃埔地鐵站一出就到商場，搭扶手電梯一上就見到，門口擺滿左蓮花燈，而且裝修幾新淨餐廳係用QR code落單既，款式有好多，無論係小菜、煎炸小食，甚至煲仔菜同前菜都有，圖文並茂，價錢都唔算太貴，不過由於實在有太多食物都想試，所以最後要咗二人餐，唔使諗食乜又可以平啲先黎有秘製叉燒，其實係麵筋整成既，但係味道同質感都好似真嘅叉燒一樣，可能麵筋加咗叉燒醬既關係，用嚟送飯一流之後有欖角肉鬆四季豆，欖角炒得好香，夠晒惹味，而且四季豆完全食唔到草青味，同樣地送飯岩晒呢一個係XO醬農家小炒皇，裏面有好多配料，例如冬菇、四季豆、腰果同三色椒等等，口感好豐富，全部切到一粒粒，方便進食，而且加左XO醬嘅關係，有少少辣，啱晒我呢個係脆香紫豆卷，無諗過紫米都可以炸成小食，仲要炸得好脆口，點埋甜酸醬味道更加好，而且感覺冇咁油膩呢一籠點心係雜菜餃，真係做到皮薄餡靚，裏面有好多餡料，一咬落去仲有汁流出嚟添我哋仲另外加咗呢一個XO醬炒腸粉，上面撒上左芝麻，腸粉米香味幾重，而且卷左好多層，仲加埋X
呢排感覺食得太多肉，想搵返間素食餐廳轉一轉口味，於是今晚就同老婆黎左黃埔既呢間餐廳食飯
位置唔算太難搵，黃埔地鐵站一出就到商場，搭扶手電梯一上就見到，門口擺滿左蓮花燈，而且裝修幾新淨
餐廳係用QR code落單既，款式有好多，無論係小菜、煎炸小食，甚至煲仔菜同前菜都有，圖文並茂，價錢都唔算太貴，不過由於實在有太多食物都想試，所以最後要咗二人餐，唔使諗食乜又可以平啲
先黎有秘製叉燒，其實係麵筋整成既，但係味道同質感都好似真嘅叉燒一樣，可能麵筋加咗叉燒醬既關係，用嚟送飯一流
之後有欖角肉鬆四季豆，欖角炒得好香，夠晒惹味，而且四季豆完全食唔到草青味，同樣地送飯岩晒
呢一個係XO醬農家小炒皇，裏面有好多配料，例如冬菇、四季豆、腰果同三色椒等等，口感好豐富，全部切到一粒粒，方便進食，而且加左XO醬嘅關係，有少少辣，啱晒我
呢個係脆香紫豆卷，無諗過紫米都可以炸成小食，仲要炸得好脆口，點埋甜酸醬味道更加好，而且感覺冇咁油膩
呢一籠點心係雜菜餃，真係做到皮薄餡靚，裏面有好多餡料，一咬落去仲有汁流出嚟添
我哋仲另外加咗呢一個XO醬炒腸粉，上面撒上左芝麻，腸粉米香味幾重，而且卷左好多層，仲加埋XO醬，十分惹味
最後仲有糖水，木瓜燉雪耳，夠晒清潤，啱啱好可以解去剛才食物嘅油膩
食咗咁多嘢兩個人加埋都係三百幾蚊左右，真係好抵食，而且份量又夠大，一定會再嚟encore！！
張貼
