影片
更多
2023-06-17
246 瀏覽
喺網上訂咗個優惠4人餐，近近地同屋企人去試吓～套餐一共有8道菜，當中見到有御膳佛跳牆灌湯餃、孔門魚咬羊同黑白胡椒燒鵝皇都幾吸引！御鮮薈八道菜「4人盛」沙薑豬手拼醬香小青瓜御膳佛跳牆灌湯餃X0醬碧翠炒蘭花蚌孔門魚咬羊甜品沙薑豬手拼醬香小青瓜前菜先嚟一碟沙薑香茜豬手同醬香爽脆小青瓜。兩款都係凍食，好適合夏天，前者豬手皮入口爽脆，帶淡淡沙薑香。後者帶咸酸，入口同樣爽脆，相當醒胃。御膳佛跳牆灌湯餃最期待嘅一道，本身鍾意食灌湯餃，今次仲要係佛跳牆灌湯餃！灌湯餃外皮夠薄，唔止入面餡料飽滿，佛跳牆湯底有花膠、鮑魚、海蔘、翅同蟲草花，真係好足料！XO醬碧翠炒蘭花蚌相對惹味嘅一道，XO醬帶微辣，除咗有蘭花蚌外，仲有甜豆、雲耳、黃椒同紅椒。所有蔬菜都好爽口。孔門魚咬羊黑白胡椒燒鵝皇最多道菜之中，我最鍾意依個黑白胡椒燒鵝皇！鵝皮燒得好光滑，皮下脂肪唔會太多，鵝肉嫩滑帶鵝香，熱辣辣食真係好香口！紅茄鮮竹泡菜苗除咗XO醬碧翠炒蘭花蚌外，仲有多一款蔬菜類，紅茄鮮竹泡菜苗，當日用咗小白菜，仲有少量腐竹同木耳，清清地可以去下膩～乾煏金磚馬拉糕食完以上咁多道菜式之後，仲有金磚馬拉糕，雖然只係每人一件，但當時其實已經好飽
喺網上訂咗個優惠4人餐，近近地同屋企人去試吓～套餐一共有8道菜，當中見到有御膳佛跳牆灌湯餃、孔門魚咬羊同黑白胡椒燒鵝皇都幾吸引！御鮮薈八道菜「4人盛」
沙薑豬手拼醬香小青瓜
御膳佛跳牆灌湯餃
X0醬碧翠炒蘭花蚌
孔門魚咬羊[淮陽浸釀海花斑〕
黑白胡椒燒鵝皇
紅茄鮮竹泡菜苗
乾煏金磚馬拉糕
精美甜品
沙薑豬手拼醬香小青瓜前菜先嚟一碟沙薑香茜豬手同醬香爽脆小青瓜。兩款都係凍食，好適合夏天，前者豬手皮入口爽脆，帶淡淡沙薑香。後者帶咸酸，入口同樣爽脆，相當醒胃。
御膳佛跳牆灌湯餃最期待嘅一道，本身鍾意食灌湯餃，今次仲要係佛跳牆灌湯餃！灌湯餃外皮夠薄，唔止入面餡料飽滿，佛跳牆湯底有花膠、鮑魚、海蔘、翅同蟲草花，真係好足料！
XO醬碧翠炒蘭花蚌相對惹味嘅一道，XO醬帶微辣，除咗有蘭花蚌外，仲有甜豆、雲耳、黃椒同紅椒。所有蔬菜都好爽口。
孔門魚咬羊[淮陽浸釀海花斑〕依道孔門魚咬羊好有驚喜！因為之前真係無食過，喺海斑入面饟入羊肉！上網睇咗啲資料，原來將羊肉加入魚湯，會令魚湯更加鮮甜！不過羊騷味都幾重下，如果怕羊騷嘅話就要小心喇！
黑白胡椒燒鵝皇最多道菜之中，我最鍾意依個黑白胡椒燒鵝皇！鵝皮燒得好光滑，皮下脂肪唔會太多，鵝肉嫩滑帶鵝香，熱辣辣食真係好香口！
紅茄鮮竹泡菜苗除咗XO醬碧翠炒蘭花蚌外，仲有多一款蔬菜類，紅茄鮮竹泡菜苗，當日用咗小白菜，仲有少量腐竹同木耳，清清地可以去下膩～
乾煏金磚馬拉糕食完以上咁多道菜式之後，仲有金磚馬拉糕，雖然只係每人一件，但當時其實已經好飽！可以打包返屋企食！
雪耳糖水當日嘅時日甜品係雪耳糖水，加入咗紅棗，糖水都幾甜，仲有大量雪耳，好滋潤～
📍📍📍📍📍📍📍📍
御名園 (荃灣)
荃灣眾安街68號荃灣千色匯I期5樓5A號舖
張貼
