肥老闆老壇酸菜魚 (已結業)

去到冬天嘅時候就梗係唔少得要食辣野啦！朋友介紹左我去呢一間肥老闆老彈酸菜魚！呢一間餐廳喺九龍城！自從屯馬線開咗之後，九龍城亦都算係非常方便！今次我就叫咗呢泡椒牛蛙！呢一個牛蛙真係好正，本身我自己都好鍾意食！但係出面真係比較少見！而且，呢度嘅辣真係啱啱好！牛蛙亦都非常之嫩！仲有叫做一個好大份嘅川味毛血旺！呢一個毛血旺入面嘅配料真係非常充足！我自己好鍾意食鴨血，呢度嘅鴨血都好好食！好滑！仲有就係魷魚，呢一度嘅魷魚充滿着川辣口味！最後要介紹嘅就係呢個黃金軟殼蟹！軟殼蟹本身就已經炸得非常之酥脆！再加埋上面嘅鹹蛋黃！令到成個軟殼蟹都非常之香！