金都國宴 (已結業)

表姐考完試call食飯，揀咗之前食過嘅“金都國宴”，諗住勁食海鮮。但去到冇扇貝冇聖子😟叫咗：$188孖寶－波士頓龍蝦伊麵、雜菜煲。龍蝦都幾長身算大隻，但唔係好多肉，而且有啲削。雜菜煲好大煲好多菜仲有粉絲，調味幾好冇過鹹又有蝦米味，啲湯飲埋我都冇味精敏感。$88黑松露豆腐，外表炸過，裡面係玉子豆腐有啲韮菜花，黑松露又香，食落脆香軟滑，口感夠複雜。$78美極豉油蝦，啲蝦大隻肉又實，好惹味。$48/一隻果皮蒸南非鮑魚，嚟到中間嗰隻得5蚊銀咁大，反映後店方願意更換，但我哋打回頭退貨冇要。其餘兩隻，食落肉好彈又夠腍又鮮，好味！最後阿姐主動問要唔要糖水，送紅豆沙，但唔太甜，又起哂沙，雖然冇果皮味但同時冇澀味。中間換碟都幾密，服務幾好。