熊小館 (已結業)

同家人在新都城商場搵食，開咗間很多熊公仔的#熊小館，早前已在Mega Box都食過覺得唔錯，就一於入去同熊仔食個晚飯至得🥳。點了2人份量的Set Dinner，包了餐湯、餐包、前菜、主食，甜點跟埋飲品。 🫕是日餐湯是羅宋湯，濃稠度夠而且都足料。配合脆脆的蒜蓉包一併食，唔錯啊！🥘前菜點了意式焗肉醬茄子🍆，肉醬醬汁味濃郁，配合冇咩味嘅茄子又幾夾喎！至like面頭溶咗的🧀。🍖迷迭香羊扒·煙腩片搬香草茄蓉汁，點了七成熟，切開見到有嫩紅色的肉肉，食落肉嫩🤩juicy, 配菜有蘆筍、粟米粒, 配番茄🍅汁清新唔會覺得膩。🍛番茄奶油吞拿螺絲粉，番茄🍅醬汁多同濃郁，令到螺絲粉每粒都索到汁，食落酸酸甜甜很開胃。 🥗額外點了個凱撒沙律, 清爽又健康，沙律菜很新鮮，用上最鮮嫩的部分，加上店舖的自制醬汁，很好味😋。甜品是雪糕，而餐飲我就點了至愛的熱檸茶☕️解解膩。整體食物唔錯，裝修細緻兼且有勁多打卡位，重有咁多熊仔陪食，四圍都係熊，童真簡直返晒嚟😙。