三姐松記糖水 (已結業)

午飯後逛深水埗想食少少嘢，就去食糖水甜品。知道三姐松記糖水喺區內出名，已開業廿幾年了，所以就去試試。榴槤處處有一件D24榴槤班戟、D24榴槤紫米露同埋一球榴槤雪糕。D24榴槤味好濃郁，而且香甜。榴槤迷必試這款甜品，價錢經濟，一次過可以食到三款不同的榴槤甜品。比利時朱古力心太軟配益力多雪糕心太軟做得出色，一𠝹開，朱古力即時湧出黎，好吸引。比利時朱古力香淳，可可味濃郁，因為係黑古力的原因，所以不會太甜。益力多雪糕就是飲益力多的味道，酸甜酸甜，配朱古力心太軟，一冷一熱，味道很搭。椰皇蛋白燉奶有凍有熱,我地選了熱。原個椰皇上，白雪雪，一上枱已聞到清香椰皇味。蛋白燉奶很香滑，加上椰青汁很清甜，感覺食完很滋潤。