影片
更多
2023-11-15
23 瀏覽
香港各式各樣嘅火鍋都有，當中最鍾意嘅係粥底火鍋，拎啲海鮮清灼更加鮮甜，而個粥底又吸收晒啲海鮮精華，一啲都冇浪費！今次嚟呢間粥底火鍋超抵食，$198就可以食到一個肉蟹餐，包咗包7款時令即劏海鮮，6款自選火鍋配料，3款煮粥時蔬配料同埋個精華海鮮粥，性價比真係超高！------------------------------🦀◖肉蟹餐◗ $198/人店家每日都市場揀選新鮮海鮮，先粥水煮海鮮，每樣海鮮都有個大概煮嘅時間，食完海鮮之後，就可以加入配菜同埋煮粥時蔬，最後店員會過嚟加個粥膽，成個粥就會吸收晒火鍋嘅精華！🐟/時令即劏海鮮有大蜆、沙白、海蝦、鮑魚、蟶子、魚片同肉蟹，份量都幾多幾足，上枱嘅時候啲蝦仲識郁，超新鮮！肉蟹大大隻，蟹肉緊實；蟶子煮完出嚟都冇縮水，彈牙鮮甜；魚片比較薄身，魚肉軟腍冇泥味，處理得唔錯；海蝦肉質緊實又鮮甜，海鮮嘅質素全部都唔錯！🍥/自選火鍋配料有成30種火鍋配料自由選擇，可以喺裏面揀六款配料，有肉類、丸餃類、菜類，仲有一啲火鍋少見啲嘅配料，好似花膠片、魚腐竹卷呢啲！今次揀咗美國肥牛、滑雞件、手工鮮蝦雲吞、牛骨濃汁牛丸、爆漿瀨尿牛丸同油麥菜，每樣份量都唔少，超豐富！🥓肥牛
------------------------------
🦀◖肉蟹餐◗ $198/人
店家每日都市場揀選新鮮海鮮，先粥水煮海鮮，每樣海鮮都有個大概煮嘅時間，食完海鮮之後，就可以加入配菜同埋煮粥時蔬，最後店員會過嚟加個粥膽，成個粥就會吸收晒火鍋嘅精華！
🐟/時令即劏海鮮
有大蜆、沙白、海蝦、鮑魚、蟶子、魚片同肉蟹，份量都幾多幾足，上枱嘅時候啲蝦仲識郁，超新鮮！肉蟹大大隻，蟹肉緊實；蟶子煮完出嚟都冇縮水，彈牙鮮甜；魚片比較薄身，魚肉軟腍冇泥味，處理得唔錯；海蝦肉質緊實又鮮甜，海鮮嘅質素全部都唔錯！
🍥/自選火鍋配料
有成30種火鍋配料自由選擇，可以喺裏面揀六款配料，有肉類、丸餃類、菜類，仲有一啲火鍋少見啲嘅配料，好似花膠片、魚腐竹卷呢啲！今次揀咗美國肥牛、滑雞件、手工鮮蝦雲吞、牛骨濃汁牛丸、爆漿瀨尿牛丸同油麥菜，每樣份量都唔少，超豐富！
🥓肥牛唔係好多雪花嗰種，牛味濃郁，夾雜着一啲筋膜嘅部位，口感更爽脆。
🐓雞件肉質嫩滑，且有雞味
🥟丸餃類真係唔錯，鮮蝦雲吞裏面嘅肉餡好鮮好香；牛骨濃汁牛丸必試，但有適量油香，牛肉味超濃郁；瀨尿牛丸裏面包住粉狀嘅餡料，食落幾鮮帶有淡淡嘅牛肉香氣，有啲似食緊小籠包嘅感覺，幾特別！
🫕/精華海鮮粥
食完火鍋嘅配料，基本上都差唔多飽，係時候食埋個海鮮精華粥底收尾！店員會先加入南瓜、芋頭粟米呢啲粥底配料再熬煮一下，再加入日本珍珠米嘅粥膽，用豬油渣、菜脯、冬菜同芫荽作簡單調味，食落好鮮好甜，真心推薦！
🌟Encore指數：9.5/10
張貼
