協奏坊西餐廳 (已結業)

2019年4月13日 五今晚到大角咀珀麗酒店二樓協奏坊食自助餐上年試過，十日前預訂有好大優惠，而且免加一上年每人送一客鮑魚，好好食😋不過今次無鮑魚送，但食物款式多好多蟹腳好大隻，而且refill得好快，完全唔會吝嗇👍🏻蟹腳偏咸，但多汁，大部份都新鮮，只有少許未溶冰既情況出現雜菌湯都唔錯，飲左兩碗😄另一款湯西洋菜豬骨湯一般，味道唔夠，清淡少少龍蝦沙律一refill時，只有面上有龍蝦，所以要快手其他熟食，牛肉，牛舌即叫即燒，師傅話係安格斯牛，鹽燒生熟程度ok，我覺得可以生返少少，不過偏咸牛舌夠腍，唔錯紅酒燴牛尾，肉質腍，但食落有少少苦味～扣分豬鞍都唔錯，朋友話有慢煮既感覺～甜品芝士撻最正😋 crwam cheese 細細個，一咬芝士爆出黎，感覺唔肥我食左四個🤣豆腐花都好好味，每晚只整一桶，食完就無所以要快手啊～其他甜品一般般，有movenpick雪糕至於刺身，我地無食，上年食過三文魚係好肥美又爽壽司賣相好一般，見到無咩食慾😅雖然食物種類唔係多，但全晚食蟹腳都抵返晒😄環境偏細，座位唔多，而且只做一轉整體唔錯，抵食😋