山景閣

營業中

休息中

聽聞已久尖沙咀山景閣自助餐又平又抵食，心儀好耐可惜一直未有時間一試。最近朋友訂左位終於可以去食返個lunch buffet ，一試下果然名不虛傳！首先當日我同朋友係兩個人去的，一坐低就送左一盤八隻大生蠔！又大隻又新鮮，淨睇賣相已經夠滿足，食入口肥美多汁夠新鮮，真係冇得頂！老實講，淨係呢幾隻蠔已經值回票價。其他食物都有好多選擇，我自己好中意食佢地d青口同凍蝦，特別係d蝦，夠爽夠彈牙，數唔清食左幾多隻。熱葷我個人推介炒蜆，個汁夠惹味，但又唔會太過咸，抵讚。另外生滾粥我同朋友都一人食左一碗，粥底唔錯中意食粥嘅朋友可以一試，拍得住傳統粥店質素。甜品方面選擇都相當多，中意食甜野嘅朋友一定有合心水選擇。個人特別推薦佢地個黑森林蛋糕，好香濃的朱古力味，好味但又唔會一味得個甜。總結個人認為以呢個價錢有咁多野食而又有咁嘅水準，相當抵食，大家一定要試下！