和記餐廳 (已結業)

已經去過和記餐廳買過好幾次飯盒，每次我都會比餐牌上的一款飯吸引，但始終未買過，就係海鮮湯飯。聽講每次嘅海鮮飯海鮮都會有少少唔一樣。今次嘅海鮮湯飯有3隻大蝦兩隻象拔蚌半隻蟹仲有小半隻龍蝦！跟埋紅豆冰都係幾十蚊。外賣仲有折，抵！海鮮湯嘅胡椒味比較重，海鮮唔算係非常新鮮嗰一種，但性價比響呢個價錢來講已經好好。呢個價錢冇得投訴。唯一我覺得係買個飯盒響公司食比較麻煩，因為海鮮始終要剝殼，無論喺茶餐廳環境定係響工作環境入面食始終都要落手，好難乾乾淨淨咁食完。我估我下次都係買返佢個咖喱飯算啦。