一粥麵 (都會駅)

營業中

休息中

放假有時真係好懶唔想專登走出去食，咁啱一粥麵最近有花膠雞粥底火鍋，睇落好吸引，所以就落腳係到食！😛係櫃枱買咗冇幾耐，職員好快就為我們送上火鍋。我地自己出去拎咗醬汁，我加咗蒜同葱。火鍋睇落啲配料幾多，十分豐富！🤤除咗牛肉、魚同魚蛋之外，當然唔少得蔬菜、烏冬，同埋重點⋯⋯醉雞啦！🐔 醉雞唔洗煮好耐就熟，肉質嫩滑，直頭令我食第一啖個陣 umm 一聲❣️超級推介，大家一定要食。 烏冬唔使煮太耐，如果唔係會太淋，冇咗彈牙感覺。魚我放左係隔上面由得佢蒸，可以直接享受佢嘅鮮味。味道都算唔錯，肉質幾滑同鮮甜。🐟呢個火鍋雖然只需大約 $60 ，但是食到好飽，性價比極高。各個配料都做得相當唔錯，值得大家一試。