基隆茶餐廳

營業中

休息中

去太子嗰頭開會，開會前同同事食個下午茶，原本諗住去間新開燒鵝店試新嘢，去到太多人就轉去大埔道一間食開嘅茶餐廳，點知已經結業大吉，唯有行翻去界限街嗰邊，時間緊逼，見到基隆茶餐廳有位即衝入去，同事叫咗個乾炒豬排烏冬，佢話好好食豬排炸得好香好入味。我就叫咗個常餐好似比下午茶更豐富，沙嗲牛肉意轉咗即食麵，沙嗲好香牛肉軟身無筋，麵都煮得爽口，跟餐有火腿奄列及牛油方包，好耐無飲凍奶茶，佢杯凍奶茶唔錯，茶夠濃同奶嘅配搭啱啱好。仲有佢嘅午餐同下午茶差唔多價錢，如果食午飯感覺上會優惠啲。