潮福蒸氣石鍋 (已結業)

呢排多人生日真係飯局多的是，今晚又去食蒸氣煱，地點係新蒲崗，不難找。同朋友思前想後，都係決定叫套餐抵食啲，於是就叫左任揀任食任飲海鮮餐。呢個餐包左粥底、燉湯、小食、海鮮三款、同埋任叫其他食物、點心、飲品咁，其實真係好抵食。以下同大家介紹幾款精選。燉湯推介係西洋菜生魚燉陳腎，侍應一打開個燉盅蓋我已聞到陣香味，好足料，同埋飲得出係無味精既，好香濃，好開胃。小食推介係乳鴿，佢呢度啲乳鴿一啲都唔細隻，而且皮脆肉嫰，唔會好鞋口亦唔會炸到好燶，好值得一試。海款推介聖子、石蠔同扇貝。聖子相當大隻，而且有啲粉絲底加少少蒜頭，相當香口。石蠔都好大隻，好似平時食果啲桶蠔咁大隻，好新鮮咁原隻蒸，原汁原味。扇貝亦係好新鮮，而且肉質相當厚肉，正。飲左佢地三枝大啤，值門票價。