囍慶藝廚酒家 (已結業)

幾兄弟约喺土瓜灣晚飯、去咗有口碑、又抵食嘅囍慶集團 多年前食過印象唔錯! 酒楼仍在只係個名改變左啲.今晚來懷舊一下! 侍應熱情招呼内進、坐底感覺舒服、見每枱客都係啲街坊熟客氣氛幾好咁 !菜單上好多經濟小菜有不同配搭、紅、白酒都唔貴!好多海鲜美食推介、款款吸引 !仲有火鍋任食 !先來個杏汁燉白肺湯 (4一6位 )份量 128元杏仁味濃.湯料足又清甜 !海鲜孖寶 /每份 228元清蒸沙巴龍躉仔一條蒜茸粉絲蒸元貝4隻元貝鲜甜爽口 ! 夠新鲜 ! 沙巴躉烹調時間拿捏得剛好、鱼肉夠嫩滑! 燒鵝 (例牌 ) / 48元皮脆肉香、肉質唔霉、仲係成隻鹅脾!認真抵食 !佐酒一流 !冰凍啤酒 / 20元支一口啤酒、一口燒鵝.吃得痛快 !爽 !瑤柱海味什菜煲 / 88元味请淡、菜爽口.飲飽食醉後仲有生果糖水送 ! 唔錯嘅一餐晚飯、服務好、經濟又抵食 !