泰原味 (已結業)

之前新開左間泰式餐廳泰原味，附近好多食肆，但比較少泰式，佢位置比較入，不太起眼既位。下午茶時間食，啲野非常抵食。「札肉湯金邊粉」 $33佢湯底幾香既，唔會好重口味，份量好有驚喜，下午茶咁大碗，啲札肉有五片，正常札味既味。「四國金磚蒜蓉包」 $28唔記得影相，但呢個相對唔抵，因為得四條，而且尺寸唔大條，蒜蓉味好香，口感酥脆又香口。「泰式炒金邊粉 」$42金邊粉食到一半我先記得影相，價格抵食，份量多，但不出色，味道好淡，有啲蝦仁同炒蛋碎。「椰汁珍多冰 」$9「椰汁紅豆冰 」$6呢啲特飲加錢叫，$10都唔洗，好足料，味道好，紅豆綿密軟。整體而言性價比高，會再回頭。