茶煲

營業中

休息中

自從寶林邨以前間酒樓執咗之後，嗰個鋪位都曾經轉手咗好多次，而家就分別畀翠河， 薩莉亞，同埋呢一間茶煲， 承接咗舊時嘅舖位。茶煲除咗有任食火鍋之外，亦都有午市賣點心或者粉麵，都幾多選擇。不過我今次試嘅係晚市幾任食火鍋 。成個格局就比較似牛涮鍋或者日牛嗰類任食火鍋，客人可以出去選擇食物，夾完自己嘅返埋位 ，但係牛肉就可以要求侍應拎畀客人。啲肥牛嘅肉質都算粉紅色， 唔會話擺咗好耐咁，不過都幾肥下， 同埋切得都算薄。蔬菜都算新鮮，幾乾淨。我哋都食得幾多牛肉。自家包嘅水餃，有木耳同豬肉，不過就冇蝦。 仲有好特別嘅灌湯包。