茶舍 (景福街)

營業中

休息中

去開Mikiki一田買嘢，又唔想係商場食飯，見到對面馬路開咗一間新嘅餐廳，裝修幾靚環境都10分舒適又乾淨，所以就過去睇吓。餐廳位於新蒲崗主打西日式菜式，附近除咗商場都冇乜靚嘅餐廳，而家香港出街食飯閒閒地都$100,但e 到只係茶餐廳價錢環境於是就試吓，由於食飯時間餐廳好多人，所以決定買外賣返屋企食。今晚我哋就叫咗吉列豬扒咖喱日式蛋包飯。蛋包飯真心唔錯，雞蛋做得非常滑溜，估唔到吉列豬扒返到屋企都仲係脆，水準做得非常好。蜆肉白酒煙肉蒜香天使麵，蜆肉份量非常多食得出係新鮮唔係急凍貨色另外份量足夠一個女仔爭啲食唔晒。蒲燒鰻魚炒珍珠飯鰻魚分量超多好足料另外炒飯亦唔係用平視呀普通泰國米係用日本珍珠米，同香港好多日本料理餐廳有得比。所有菜式都包左嘢飲，新蒲崗呢個價錢真係非常抵食，推薦大家嚟試吓。