御名園 (已結業)

今次再一次嚟到位於將軍澳嘅呢一間御名園中菜餐廳，同我上次嚟食有些小變化，而家除咗中菜之外仲可以喺度打邊爐，佢嘅打邊爐Menu都幾吸引。不過今次嘅目的亦都係為咗食佢哋嘅中菜，所以打邊爐就下次先啦😂。。清蒸東星班原條清蒸東星班，都唔細㗎，足足有14両，蒸得啱啱好，啲肉好嫩滑😋，輕輕一推開着骨肉分離，食落口一啲都唔鞋口，好鮮味😝。。澳洲龍蝦伴伊麵西澳洲嘅龍蝦大大隻，再加上上湯焗嘅伊麵，非常之入味😆，分量大之餘味道亦都好出色，我自己一個都忍唔住食咗三碗伊麵同三大嚿龍蝦🤪。。金蒜銀絲蒸蟶子蒜味非常之出色，食落好唔會話太鹹，再加上銀絲增加口感，成個配合簡直無懈可擊😍。。鮮菠蘿咕嚕肉炸得啱啱好，外脆內軟🙈，而且菠蘿好香甜，不過個咕嚕肉嘅調味上，比較清淡，我比較鍾意食重味小小嘅😊。。上湯金蝦鮮竹浸菜苗蔬菜好新鮮，清清地而且清甜，不錯👍🏻。